شروخ الحوائط
مشكلة اساسية فى كل بيت بعد التشطيب
مفيش حد لا توجد شروخ عنده فى الحوائط
قبل او بعد اعمال النقاشة وتشطيب
#دهان وديكور البيت
هنتكلم عن الاسباب
- تريح المبانى من أكبر الأسباب التي تؤدي لحدوث الشروخ في الحوائط بنلاقى دايما الشروخ بتكون حول أركان النوافذ و الأبواب ودى بسبب ترييحات المباني بعد تنفيذها.
1-شروخ بياض المحارة
بنلاقى الشرخ في أطراف الشبابيك السفلية ليمتد الي الأرض وفي منتصف الحوائط أو بشكل رأسي عند مناطق تقابل الحوائط أو بين الكمرات والمباني أو الأعمدة والمباني.
2- شروخ المباني :
- شرخ فوق باب أو شباك
شكل الشرخ بيبقي بزاويه 45 درجه وبيكون عند أركان الأبواب والشبابيك وسببه إن طول العتبه الخرسانيه فوق فتحة الباب أو الشباك قصير وفيه كمان سبب تاني اللي هوا مفيش سلك شبك محطوط عند أركان الفتحات أثناء عمل بند بياض المحاره.
الشرخ مفيش منه خطر ولا حاجة زي ما هو شائع عند الناس، لكن منظره مش لطيف فلازم نعالجه.
3-شرخ أفقي بسيط في الحائط عند إلتقاء الكمره
الخرسانية مع المباني الطوب.
وسبب الشرخ عدم شحط المباني أسفل الكمره وصب الخرسانة قبل المبانى أو عدم وضع سلك شبك عند إلتقاء الكمره مع الطوب، ومفيش خطوره من الشرخ ده.
-4-شرخ رأسي بالحائط عند إلتقاءه مع العمود الخرساني، وسببه عدم الربط بين المباني والعمود الخرساني بالكانات أو عدم وضع سلك شبك عند إلتقاء الخرسانه مع الطوب، ومفيش منه خطوره
5-شرخ فى طبقات البياض ودة بسبب- تعديلات التي تتم في الحوائط من تكسير و أعمال كهربائية او تكيفات وبتعمل العديد من التصدعات والشروخ
حد ظهر معاه المشاكل دى
تعليقات
إرسال تعليق